الشاعر محمد سعيد دفع الله
أداء الفنان : عبدالقيوم الشريف
استسرع الايام تمر مع انهن نقيص عمر
داير لقاكم يا العزاز غيركم محال الحال يسر
فى بعدكم تقل الزمن براحة للخطوات يجر
والحال تبدل يا سلام كل شى بشوفو كتر كتر
كان شفتو كيف حالى العلى فرشى وغطاى نيران جمر
لا لاقى زول يراءف على لا انسان يقولى برية كر
لا لاقى ايد تمسح شقاى فى وجهى كالنسمات تمر
وتبعد اسى الايام بعيد والفرحة فى اعضاى تشر
ليه يا زمن كايس ازاى تسقينى حنضل ولى تغر
هديت للبيت السعيد ما فيك خير تعرف تضر
وريتنى اهوالا جسام شفت النجوم عز الضهر
الله من الغربة الجحيم الفيها ما بيجدى الصبر
ما كت بعدت انا يا العزاز فارقتكم لو ما الجبر
ضحيت عشان خاطر الصغار خايفلهم عيشة الفقر
مستنى يا اهلى البريد والله بى فارق الصبر
علو البريد يعطف يجود ويجيب رسالة بعد عمر
داير جواب يشفى الجراح وياخدنى فى مرق العصر
بيــــــــن البراسيم والمقد والبرتكان منقة وتمر
يومى اللشوف واقراء الحروف يا ناسى حتى ولو سطر
داك ياهو عاد عز المراد زارتنى اكيد ليلة القدر
0 التعليقات:
إرسال تعليق